Веќе пристигнала понуда за Пике и тоа од повратникот во Премиер лигата!?

Во Барселона ова лето се очекуваат промени откако клубот доживеа катастрофа во Лигата на шампионите.

Барса сезоната ја заврши без освоен трофеј, а најголемата бламажа ја доживеаа во четвртфиналето од Лигата на шампионите во кое Баерн ги победи со 8:2. Челниците на клубот најавија големи промени во играчкиот кадар.

Помеѓу фудбалерите кои се на трансфер листата е и Жерар Пике кој веќе 10 години е стандарден првотимец. Пике летото 2008 година дојде во Барселона од Манчестер Јунајтед.

Меѓутоа веќе некое време навивачите не се задоволни од неговите настапи и се најавува негово заминување после 12 години. Медиумите во Шпанија денес објавија и дека пристигнала понуда за Шпанецот.

Како што објави каталонскиот „Спорт“ на адреса на Барселона за Пике пристигнала понуда од Фулам што е изненадување. Се уште не е познато колкава сума понудил повратникот во Премиер лигата.