Арсен Венгер сака напаѓач, а смета дека напаѓачот на Манчестер Јунајтед би бил идеален за неговиот тим.
„Топџиите“ наводно спремаат понуда за фудбалерот на Манчестер Јунајтед, Ентони Марсијал. Англиските медиуми пренесуваат дека Французинот е огромна желба на Венгер кој сакаше да го доведе уште пред две години кога Марсијал од Монако премина во Јунајтед.
Кој тепа, Ливерпул или Челзи!? ↓↓↓
Марсијал во изминатата сезона баш и не се наигра кај Жозе Мурињо кој често пати покажуваше дека нема многу доверба во неговите квалитети.
Прва опција за Арсенал беше Мбапе од Монако, но според сегашната ситуација, „топџиите“ тешко дека можат да париераат на понудата на „кралевите“.
Од друга страна веруваат дека за Марсијал нема да има многу место во Јунајтед бидејќи Мурињо има немера да доведе уште двајца офанзивци ова лето, Алваро Мората и Иван Перишиќ.
Марсијал во Арсенал би имал загарантирано место во првиот тим, а нема сомневање дека би му одговарал стилот кој го преферира Арсен Венгер.