Валверде одбира засилувања, еден е веќе сигурен на „Камп Ноу“

Тренерот на Барселона, Ернесто Валверде ќе се обиде во јануари дополнително да го засили тимот.

Каталонскиот гигант оваа сезона има доста проблеми во дефанзивата. Валверде не е задоволен од игрите на стоперската линија и во јануари ќе се обиде дополнително да го засили составот со неколку нови фудбалери.

Речиси сигурно засилување е Колумбиецот, Јери Мина. Со фудбалерот на бразилскиот Палмеирас наводно се е договорено и тој ќе стане нов член на Барса.

Валверде нема да застане само со него. Сака да доведе уште еден стопер, а кандидати за таа позиција има повеќе. Главната желба е фудбалерот на Наполи, Калиду Кулибали, додека кандидати се и двајцата млади француски стопери, 18-годишниот Дан Загаду од Борусија Дортмунд и 20-годишниот Муктар Дијакаби од Лион.

Она што е сигурно е дека не чека уште еден „топол“ трансфер период, иако трансферите ќе се направт во студените јануарски денови.