Бугарија прегазена од Шпанија на стартот на Евробаскетот

Денес започна Евробаскетот кој стартуваше со убедлива победа на Шпанија против Бугарија од 114:87.

Шпанците ја оправдаа фаворитската улога и Бугарија парираше само во првата четвртина, до полувреме победничкиот состав постигна 57 поени. (57:35).

Ниту во второто полувреме нашиот источен сосед не успеа да се врати во мечот, вториот дел целосно им припадна на Шпанците кои само ја зголемуваа разликата и на крајот триумфираа со 114:87.

Во редовите на Шпанија најдобар беше Лоренцо Браун со 17 поени и пет асистенции, кај Бугарија најефикасен беше Саша Везенков со 25 поени и 11 скокови.