„Бомба“ од Каталонија: Бартомеу јавно го понижи Нејмар!

Долго време во медиумите Нејмар се поврзува со Барселона и изгледа дека Бразилецот навистина сака да се врати на „Ноу Камп“.

Нејмар ја напушти Барселона пред две години кога за сума од 222 милиони евра кога стана најскап фудбалер во светот премина француски Пари Сен Жермен.

Пред неколку недели потпретседателот на Барселона изјави дека Нејмар сака да се врати, а сега тоа го потврди и претседателот Бартомеу, но и може да се каже дека го понижи Бразилецот.

Бартомеу во првиот дел потврди дека Нејмар сака да се врати за потоа отворено да каже дека Дембеле е многу подобар играч од него.

„Знаеме дека Нејмар сака да се врати, но и дека ПСЖ тешко ќе го продаде. Всушност, ние го имаме Дембеле кој е многу подобар играч од Нејмар“, изјави Бартомеу.
Оваа изјава на Бартомеу може да се сфати и како демант за сите најави дека Барса ќе го врати Бразилецот.