„Бомба“: Икарди се враќа во Серија А

Италијанските медиуми тврдат дека голема е веројатноста Мауро Икарди да се врати во Серија А.

Томас Тухел не му даваше голема минутажа на Икарди и Аргентинецот не е задоволен од својот статус.

Многумина веруваа дека работите ќе се променат со доаѓањето на Покетино, но наводно новиот тренер нема да смета на Икарди и веќе му порачал дека може да си бара нов клуб.

Најсилен интерес во моментов покажува Милан, кој во Икарди гледа идеален наследник на Ибрахимовиќ и некој кој ќе биде главен напаѓач во наредните години.

Малдини веќе стапил во контакт со неговиот пријател Леонардо и започнале преговори за трансфер на Икарди уште во јануари.

Аргентинецот може да пристиге на „Сан Сиро“ на позајмица за 10 милиони евра плус 40 милиони за откуп следната година.

Неговата сопруга и агент, Ванда Нара инсистира да се врати во Италија и Милан го гледа како идеална опција.