Белингем призна: Не беше мајсторија, имав среќа

Џуд Белингем имаше импресивно деби за Реал Мадрид против Атлетик Билбао во кое постигна и гол.

Англискиот репрезентативец покрај голот беше и еден најактивните на теренот и сосема заслужено ја доби наградата за играч на натпреварот.

Набрзо откако го постигна голот на социјалните мрежи беше споредуван со Зинедин Зидан. Сепак, Белингем призна дека во таа ситуација имал повеќе среќа, отколку што посакувал на тој начин да погоди.

„Влегов во добра прилика и постигнав гол. Но, вистината е дека не шутнав како што сакав, но на крајот сепак влезе во мрежата и се излезе најдобро што може. За мене ова беше посебен натпревар. Веќе имам одличен однос со соиграчите, доминиравме на теренот и можевме да постигнеме уште некој гол“, изјави Белингем.

Jude Bellingham recreated Zidane's goal 🤯 pic.twitter.com/7FCnsobP8j

— Mde in kso 𓃵 🇬🇭 (@madeinkasoa) August 13, 2023