Барселона спремна да го пушти Гризман во Јувентус за Дибала?

Денешното издание на францускиот „Л’Eкип“ пренесува дека Барселона ќе се обиде да се ослбоди од Антоан Гризман до крајот на преодниот рок.

Со Гризман не се толку проблем неговите настапи колку што е платата. Гризман има плата од 25 милиони евра и тоа е огромен терет буџетот на Барселона.

„Л’Eкип“ пишува дека Барселона е во контакт со Јувентус на кој наводно му предложила размена со Паоло Дибала.

Меѓутоа во овој момент оваа трампа изгледа потешка за реализација затоа што Дибала има договор со Јувентус и нема најави дека сака да си замине, барем засега.