Барселона може да биде исфрлена, Валверде се брани: Не направивме ништо

Барселона вчера го победи Леванте со 3:0 во шпанскиот куп и така се избори за пласман во четвртфиналето од шпанскиот куп.

Сепак, бурата која се предизвика во првиот натпревар со настапотот на Хуан Брандариз.

Овој фудбалер беше повикан од Барселона Б, но проблем настана затоа што бил под суспензија која важела и за првиот тим.

Денес Леванте потврди дека испратиле жалба и бараат Барселона да биде исфрлена од купот и тие да продолжат во купот.

Од друга страна, тренерот на Барселона, Ернесто Валверде тврди дека Барселона не направила ништо да ги прекрши правилата.

„Навистина не направивме ништо за да бидеме казнети. Знаевме дека Брандариз има картони, но според правилата знаевме и дека имаме право да го користиме во купот“, изјави Валверде.