Барселона и Јувентус спремаат спектакуларна трампа

Италијанските медиуми пренесуваат дека Јувентус и Барселона започнале преговори за голема трампа.

Имено, „старата дама“ одамна е заинтересирана за хрватскиот плејмејкер Иван Ракитиќ, додека Барселона за возврат го бара италијанскиот репрезентативец Федериико Бернардески.

Идејата не е нова. За слични преговори се дискутираше минатото лето, но тие беа прекинати поради тренерот на Каталонците, Ернесто Валверде. Тој сега не е веќе на функцијата и може да се направи оваа размена.

Двајцата фудбалери оваа сезона не добиваат голема минутажа. Ракитиќ е на излезна врата од Барселона, додека Бернардески не се вклопува во формацијата на тренерот Сари.

Јувентус исто така ќе бара паричен надоместок, бидејќи Италијанецот е 6 години помлад од Хрватот и има повисока пазарна цена.