Барселона во напредни преговори со Рубен Невеш

Барселона е во потрага по квалитетен играч за врска кој ќе може да го замени Серхио Бускетс, пренесуваат каталонските медиуми.

Прв избор е португалскиот репрезентативец и член на Вулверхемптон, Рубен Невеш со кого преговорите се во напредна фаза.

Вулверхемптон е спремен да го пушти Невеш, но за неговата слобода бара 35 милиони фунти, а Барселона веќе ги започна преговорите.

Каталонците имаат одлични односи со „волците“ и се верува дека како дел од трансферот на Невеш може да биде вклучен Тринкао кој игра на позајмица во Вулверхемптон.

Интерес за Невеш покажуваат уште Арсенал и Манчестер Јунајтед, но тој преферира трансфер во Барселона.