Барса донесе одлука – ова е првото летно засилување на „Камп Ноу“

Каталонските медиуми денес потврдија – Барселона донесе конечна одлука да го врати Жерар Делуфеу на „Камп Ноу“.

Делуфеу ќе биде првото летно засилување за Барселона, откако Каталонците одлучија да ја активираат откупната клаузула и да го вратат за 12 милиони евра.

Шпанецот во првиот дел од сезоната воопшто не добиваше шанса во Евртон и замина на позајмица во Милан, каде блесна и заработи повик за шпанската репрезентација.

Барса има можност да го врати на „Камп Ноу“ за само 12 милиони евра и сигурно ќе го направи тоа бидејќи неговата цена сега е многу поголема после одличните настапи во Серија А.

Сепак, неговото останување на „Камп Ноу“ ќе зависи од новиот тренер, а медиумите тврдат дека Каталонците можат да го продадат за да заработат.

Приоритет при продажбата секако ќе има Милан кој е спремен да плати помеѓу 18 и 20 милиони евра за да го задржи Делуфеу на „Сан Сиро“.