Првиот човек на Баерн Минхен, Ули Хенес потврди дека клубот ќе ја разгледа опцијата за ангажман на Лерој Сане од Манчестер Сити.
Германскиот интернационалец беше блиску до трансфер во Минхен ова лето, меѓутоа двата клуба не успеаа да се договорат.
Му ги броиме деновите на Тен Хаг во Манчестер! ↓↓↓
Сане остана на „Етихад“ и заработи повреда во првиот настап, но Баварците не се откажуваат од него и повторно ќе се обидат да го донесат во Минхен.
„Бевме многу заинтересирани за него и имавме преговори со играчот, но му се случи таа несреќа, таа ужасна повреда па трансферот пропадна. Мислам дека ќе разговараме во јануари или февруари за да видиме дали ќе тргнеме по него повторно. Тоа е многу веројатно“, изјави Хенес.
Сане одбива да стави потпис на нов договор со Манчестер Сити и е отворен за враќање во Германија.