Баерн одлучи, ќе руши рекорд за Хари Кејн

Откако Тотенхем ја одби првата понуда од Баерн Минхен за Хари Кејн, Баварците не се откажуваат и спремаат нова понуда.

Баерн е одлучен во намерата да го доведе Хари Кејн на „Алијанц Арена“, а самиот фудбалер веќе ги договори личните услови и притиска за трансфер.

Тотенхем ја одбил првата понуда на Баварците од 70 милиони евра плус бонуси. „Билд“ пренесува дека германскиот клуб спрема нова понуда од 93 милиони евра.

Со оглед на фактот дека Кејн влезе во последната година од договорот, се верува дека Тотенхем ќе ја прифати понудата. Тоа би бил најскап трансфер во историјата на германскиот клуб.