Ангеловски: Им благодарам на навивачите, жалам што не ги наградивме со победа

Македонската репрезентација испушти победа во последните секунди против Словенија (1:1) на првата генерална проба пред Европското првенство.

Селекторот Ангеловски им се заблагодари на навивачите за поддршката и изрази жалење за пропуштената победа.

„Благодарност најпрво до навивачите за поддршката и единствено што жалам е што не ги наградивме со победа. Резултатот сепак не е толку важен, бидејќи ова е сепак подготвителен период. По победата против Германија ова ни беше прв меч и задоволен сум“.

„Задоволен сум од второто полувреме. Доминиравме, бевме оние вистинските, до примениот гол, а Словенија не се ни доближи до нашиот гол. Моравме да дадеме и втор гол и навреме да го затвориме натпреварот. Но, добро, се наоѓаме во подготвителен период, работиме по двапати во денот и нозете се тешки“, истакна Ангеловски.

Фото: ФФМ