Алегри го отпиша Јувентус пред реваншот: Барем да немаше трет гол…

„Старата дама“ вечерва запиша висок пораз од Реал Мадрид на домашен терен во првиот четвртфинален меч во рамки на ЛШ.

Алегри по тешкиот пораз од 0:3, го истакна своето видување на целиот меч, а на некој начин го отпиша Јувентус пред реваншот во Мадрид.

„Потребна е и среќа кога играш против ваков тим, а секако потребен е и лош ден за Роналдо. Игравме добро по првиот гол, па иако загубивме сметам дека бевме достоен противник. Но, да се игра против Реал уште еднаш докажува зошто имаат три освоени титули во последните четири сезони во ЛШ. Имавме шанси да израмниме, а потоа се разочарав што примивме трет гол. Рамос во следниот меч ќе биде суспендиран, па да беше 2:0 ќе можевме да се надеваме на реваншот во Мадрид. Скапо ги плативме недоразбирањата, но сепак не им замерувам на своите фудбалери кои играа против најдобриот напаѓач во светот“, истакна Алегри на конфенрецијата за медиумите по завршувањето на мечот.