Азар го избрал бројот во Реал Мадрид!

Како што тврдат шпанските „Марка“ и „АС“ Еден Азар одлучил кој број ќе го носи во Реал Мадрид.

Азар го сакаше дресот со број 10 кој го носеше во Челзи, но Лука Модриќ не му го отстапи, па Белгиецот мораше да побара друго решение.

На крајот се одлучил за бројот 23, иако се уште нема официјална потврда. Зошто 23? Овој број е многу популарен кај кошаркарите, а Еден е познат како голем НБА фан.

Го носеше Мајкл Џордан, Леброн Џејмс…Од славните фудбалери на својот грб го имаше Дејвид Бекам.

Во Реал Серхио Регулион минатата сезона го носеше тој број, но Регулион Реал го испрати на позајмица во Севиља и сега 23-та е слободна.