Адвокатот на Погба на состанок со Јувентус, наскоро одлука

Иднината на Пол Погба е главна тема откако стана јасно дека Французинот ќе го напушти Манчестер Јунајтед како слободен агент.

Главната битка за неговиот потпис ја водат ПСЖ и Јувентус, а конечната одлука се очекува во наредните денови.

Денес во Торино пристигна Рафаеле Пимента, новиот застапник на Пол Погба и десна рака на Мино Раиола, на разговор со челниците на Јувентус.

Јасно е дека „бјанконерите“ не можат да му ја понудат актуелната плата од 15 милиони по сезона, но ќе направат се за да го вратат во Торино.

Денес се одвива клучниот состанок, Јувентус ќе понуди 9 милиони евра плус бонуси, што е помалку од тоа што го нуди ПСЖ, но „старата дама“ му нуди на Погба да биде централна фигурна во проектот.

Притоа, самиот Погба преферира да се врати на местото каде ги одигра најдобрите години во кариерата, а после денешниот состанок работите ќе бидат појасни.