„Ќе биде чудно да го подигнеме трофејот без навивачи“

Англиската Премиер лига веројатно ќе продолжи, а со то Ливерпул ќе има шанса да ја освои титулата на зелениот терен.

Секако, прославата нема да биде онаква каква што навивачите очекуваа, поради мерките против групирање.

Капитенот на Ливерпул, Џордан Хендерсон, призна дека во тој случај ќе биде многу необично да се подигне трофејот без присуство на навивачите.

„Ќе биде многу чудно. Нормално дека не е готово. Се уште мора да играме на високо ниво за да ја освоиме титулата. Но, ако ја земеме титулата, кога станува збор за подигањето без присуство на навивачи, мора да се помириме со тоа. Сепак, верувам дека сите заедно ќе ја прославиме титулата во оној момент кога навивачите ќе се вратат на стадионот.“ – изјави Хендерсон.

Клубовите од ПЛ започнаа со тренинзи, а тренинзите се одвиваат во помали групи.