Јунајтед го доведува човекот кој им го „украде“ Погба!

Хавиер Рибалта покрај Мино Раиола, можеби  е еден од главните виновци што Пол Погба летото 2012 година заврши во редовите на Јувентус.

Искусниот скаут работеше како шеф на скаут службата на италијанскиот шампион, а изгледа дека сега тој ќе започне да работи за Манчестер Јунајтед.

Рибалта во својата кариера скаутираше во: Ливерпул, Торино, Милан и Новара, а „Дејли Мејл“ сега пренесува дека тој ќе биде главен кординатор на скаут службата на Манчестер Јунајтед.

Тој истакна дека му било преубаво во Јувентус и им се заблагодари на директорите на „Старата дама“ кои веруваа во неговите способности уште од првиот ден.