Јувентус ја има најдобрата понуда за Агуеро

Напаѓачот на Манчестер Сити, Серхио Агуеро може да ја продолжи кариерата во италијанска Серија А, пренесуваат тамошните медиуми.

32-годишниот Аргентинец на крајот на сезоната ќе биде слободен агент бидејќи му завршува договорот со Манчестер Сити.

Шпанските медиуми пренесуваат дека Агуеро веќе добил официјална понуда од италијански гигант Јувентус и тоа за две сезони.

Агуеро преферира преселба во Барселона, која исто така е заинтересирана за напаѓачот, но најдобрата понуда до сега наводно ја испратил Јувентус, кој на Агуеро му нуди 10 милиони евра по сезона.