Јувентус тргнува по Јовиќ

Јувентус е силно заинтересиран за напаѓачот на Реал Мадрид, Лука Јовиќ и сака да го донесе во јануари, пренесуваат италијанските медиуми.

Јовиќ е во втор план во Реал Мадрид и е спремен да ја промени средината во потрага по поголема минутажа, а Јувентус сака да ја искористи таквата ситуација.

23-годишниот Србин откако пристигна во 2019 година не успеа да се наметне во тимот на „кралевите“, па Реал е спремен да го пушти во јануари.

Јувентус сака да го донесе на позајмица со право на откуп, но треба да ја победи конкуренцијата бидејќи за Јовиќ интерес покажуваат уште Интер, Арсенал и Лестер.