Јувентус му нуди шокантна трампа на Ливерпул

Се погласни се шпекулациите дека Пауло Дибала на крајот на сезоната ќе го напушти италијанскиот шампион Јувентус.

Дибала оваа сезона е во сенка на Кристианто Роналдо, игра под своето ниво, па често натпреварите ги почнува од клупата за резерви.

Поради тоа се поголеми се шансите да ја напушти „старата дама“ на крајот на сезоната, а за неговиот потпис силен интерес покажуваат Интер, Манчестер Јунајтед и Ливерпул.

Италијанските медиуми тврдат дека најсилен е интересот од страна на Ливерпул, кој веќе ги започнал преговорите.

Најновата информација од Италија е дека Јувентус сака да ја искористи таквата ситуација за да дојде до потписот на Мохамед Салах.

Имено, раководството на „старата дама“ е спремно да го понуди Дибала плус 50 милиони евра за да го добие потпот на Египќанецот. Салах веќе има големо искуство во италијанскиот фудбал, каде го носеше дресот на Фиорентина и Рома.

Јувентус е спремен да се откаже од Дибала и Даглас Коста, па Салах ќе биде трансфер цел број еден ова лето за „бјанконерите“.

Juventus to offer Liverpool Dybala as part of stunning Mohamed Salah transfer bid https://t.co/DhLICTUBrL pic.twitter.com/O4L8g8EaET

— The Washington Time (@TimeWashington) March 22, 2019