Јувентус ги интензивира преговорите со Паредес

Јувентус е подготвен да започне сериозни преговори за привлекување на играчот од средниот ред на Пари Сен Жермен, Леандро Паредес, пренесуваат италијанските медиуми.

Аргентинецот долго време е на радарот на „бјанконерите“, но клубот чекаше да се ослободи место во тимот. После заминувањето на Арон Рамзи, Јувентус сега спрема понуда за Паредес.

ПСЖ е подготвен да преговара за продажба на 28-годишниот играч и за неговата слобода бара помеѓу 20 до 25 милиони евра.

После повредата на Погба сега Јувентус доведувањето на Паредес го постави како приоритет и ќе ги интензивира преговорите со ПСЖ.