Ѕвездата на Дортмунд е најголема желба на Флорентино Перез

Шпанските медиуми пренесуваат дека главна цел на Реал Мадрид за следното лето ќе биде ѕвездата на Борусија Дортмунд, Џуди Белингам.

18-годишниот фудбалер остави одличен впечаток во својата прва сезона во Борусија Дортмунд и го привлече вниманието на многу европски гиганти, а најсилен интерес за него покажува Реал Мадрид.

Белингам има договор со „милионерите“ до 2025 година, но планот на Реал Мадрид е Англичанецот да пристигне следното лето и да биде долгорочна замена за Лука Модриќ.

Реал сака да ја победи конкуренцијата од англиските клубови и веќе работи на трансферот, а е спремен да плати 100 милиони евра за неговиот потпис.

Скаути на „кралевите“ го следеле Белингам и синоќа против Манчестер Сити, каде одигра одлично и постигна гол за Борусија Дортмунд.