Челси го санкционираше Коста, што е следно?

Челси го казни напаѓачот Диего КОста со одземање на две неделни плати, бидејќи минатиот месец не се појави на почетокот на подготовките за новата сезона, пренесува Скај.

Како што се наведува, Коста е санкциониран со околу 300.000 фунти.

Коста во моментов е во Бразил, а во интервју за Дејли Мејл истакна дека Челси не сака да го пушти да се врати во Атлетико Мадрид. Тој го критикуваше тренерот, Антонио Конте кој на почетокот на летото преку смс порака го информираше дека не смета на неговите услуги.

Исто така, тој се закани дека последната година од договорот би можел да ја мине во Бразил, без фудбал и потоа да го напушти лондонскиот клуб како слободен играч..

Коста не беше во тренинг центарот на Челси во Кобама, откако екипата ја освои шампионската титула во мај, а медиумите шпекулираат дека во Челси биле загрижени дека Коста намерно се здебелил за да ја симне цената од 50 милиони фунти, колку што Челси бара за него.

Атлетико Мадрид сака да го врати Коста, но и шпанскиот репрезентативец сака да се врати на „Висенте Калдерон“.

Коста за Атлетико одигра 100 натпревари и постигна 54 погодоци, а во 2014.година премина во Челси за 32 милиони фунти.