Фабрегас во Комо собира ветерани кои освоиле се во кариерата

Kaко што стојат работите, екипата на Комо во наредната сезона ќе биде една од најинтересните за гледање.

Малата екипа од истоимениот град Ломбардија направи историски успех со пласманот во Серија А, но тренерот Цеск Фабрегас нема намера да биде само авантурист и брзо да се врати во Серија Б.

Како што е познато, Андреа Белоти веќе пристигна, тој секако е големо име и звучно засилување, но тоа е само почеток.

Рафаел Варан дефинитивно ќе биде најголемото име, бидејќи е играч кој со Реал ги освои сите можни трофеи, а со Франција беше светски шампион. Звучи навистина неверојатно што Варан ја прифати поканата на Фабрегас, иако имаше богати понуди од Саудиска Арабија. Животот на езерото очигледно бил попривлечен за неговото семејство и Варан наскоро и официјално ќе го потпише договорот.

Освен него, одбраната ќе ја засили шпанскиот тандем – Пепе Реина на голот и Алберто Морено крај левата линија. Реина е и слободен играч откако му истече договорот со Виљареал, а на 41-годишна возраст реши да му се придружи на својот поранешен соиграч од шампионската генерација на Шпанија, пет години помлад од него.

Алберто Морено (32) е уште еден играч на кој му истече договорот со Виљареал и е трет по ред кој без обештетување пристигнува во Комо.

Комо нема преголем буџет за трошење, па пристигнуваат и ветерани, но со шампионски менталитет и искуство, што ќе биде многу важно во борбата за опстанок. Исто така се споменува и Серхи Роберто кој се уште не добил понуда од Барселона и официјално се води како слободен играч.