Уште еден важен потпис на „Олд Трафорд“ (фото)

Виктор Линделоф е вториот важен фудбалер на Манчестер Јунајтед кој оваа недела потпиша нов договор со клубот од „Олд Трфаорд“.

Со новиот договор Швеѓанецот се обврза на верност кон „црвените ѓаволи“ до 2024 година со опција за продолжување на додатни 12 месеци.

25-годишниот дефанзивец пристигна во Манчестер Јунајтед во 2017 година и до овој момент има запишано 74 меча за „црвените ѓаволи“.

„Уште кога пристигнав во Јунајтед се чувствувам тука како дома. Во последните две години пораснав многу како личност и како фудбалер, за што сум му благодарен на сите во клубот. Целта ми е да му помогнам на клубот да освојува трофеи во иднина“, изјави Линделоф.

✍️ @VLindelof has committed his future to #MUFC!

— Manchester United (@ManUtd) September 18, 2019