Трансферот на Лукаку во Интер е трет најскап во историјата на Серија А

Ромелу Лукаку денес после долгите преговори помеѓу Интер и Манчестер Јунајтед и официјално стана фудбалер на „нероаѕурите“.

Лукаку е најскапото засилување во историјата на Интер и платен е 65 милиони евра плус 10 преку бонуси.

Белгиецот потпиша договор на пет години и ќе заработува седум милиони евра по сезона.

Во Јунајтед Лукаку на 96 натпревари постигна 42 гола и си заминува само две години откако клубот од „Олд Трафорд“ за него лати 75 милиони фунти на Евертон.

Тој е трето најскапо засилување во Серија А после Кристиано Роналдо (99.2 милиони евра) и Гонзало Игуаин (75.3 милиони).

„Интер беше единствениот клуб во кој сакав да играм затоа што Интер не е за секого. Тука сум да ги вратам „нероаѕурите“ на врвот“.

Во минатата сезона за Манчестер Јунајтед постигна 15 голови на 45 натпревари.