Тен Хаг го сака Чуамени во Манчестер Јунајтед

Манчестер Јунајтед се вклучи во трката за францускиот репрезентативец, Орелиан Чаумени, пренесуваат англиските медиуми.

Веќе е јасно дека нов тренер на Манчестер Јунајтед ќе биде Ерик тен Хаг, кој сака на лето да направи реконструкција на тимот.

„Црвените ѓаволи“ на крајот на сезоната ќе останат без Матиќ и Погба, па Тен Хаг верува дека Французинот ќе биде идеално засилување за средниот ред.

Чуамени минатата сезона се наметна во тимот на Монако, а оваа сезона игра одлично и веќе е стандарден во француската репрезентација.

За Чуамени силен интерес покажува Реал Мадрид, но Манчестер Јунајтед е спремен да ја победи конкуренцијата и веќе стапил во контакт со неговиот агент.

Монако за слободата на својата ѕвезда бара 60 милиони евра, а „црвените ѓаволи“ се спремни да ја платат таа сума.