Срушен рекордот од 1992 година: Хачанов и Еванс го одиграа најдолгиот меч во историјата на УС Опен

Мечот во кој Даниел Еванс приреди изненадување и го елиминираше во првото коло Карен Хачанов со 3:2 го сруши рекордот за најдолг на УС Опен.

Три од одиграните пет сета се решаваа во тајбрејк и двајцата тенисери водеа битка пет часа и 35 минути. Претходниот рекорд на овој турнир го држеа Мајкл Ченг и Штефан Едберг кои во 1992 година играа пет часа и 26 минути.

Инаку, Еванс е 184. тенисер на АТП листата, додека Хачанов е на 22. позиција.