Спинацола се враќа на терените во декември

Репрезентативецот на Италија, Леонардо Спинацола кој се повреди во четвртфиналето на Еуро2020 како што стојат работите на терените ќе се врати во декември.

Спинацола беше еден од најдобрите фудбалери на Италија се до мечот со Белгија кога ја скина ахиловата тетива и во солзи го напушти натпреварот. Веднаш му беше извршена операција во Финска, а негово враќање на терените се очекува во декември, тврди „Газета дело Спорт“.

„Мурињо и Манчини знаат дека можам да тренирам од ноември, а да играм натпревари од декември“, изјавил Спинацола.