„Скај Спорт“: Челзи има две големи желби

Eрлинг Халанд и Даклан Рајс ќе бидат главните желби на Челзи за летниот преоден рок.

Барем така тврди новинарот на „Скај Спорт“ Ангело Маниганте кој објави дека Челзи во летниот преоден рок ќе тргне по овие двајца фудбалери.

Рајс и претходно се поврзуваше со трансфер на „Стенфорд Бриџ“. Беше голема желба на Френк Лампард и многумина веруваат дека ќе се пресели во Челзи.

Potential outgoings at #Chelsea:

Rudiger, Christensen, Jorginho, Marcos Alonso, Barkley, Drinkwater, Moses (on loan Spartak Moscow).

Two main goals in summer for #CFC:

1) Erlin #Haaland
2) Declan #Rice @SkySport #Transfers

— Angelo Mangiante (@angelomangiante) December 22, 2020

Меѓутоа доведувањето на Халанд ќе биде далеку поголем предизвик. Норвешкото чудо од дете е желба на најдобрите тимови во Европа, се поврзува со Реал и Јувентус, но и Манчестер Јунајтед.

Халанд има можност наредното лето да замине од Борусија. Сумата за која може да си оди е 75 милиони евра, а ќе видиме дали тоа ќе го направи.

Челзи во овој момент има млад и одличен тим, па евентуално пристигнување на овие двајца фудбалери и тоа како би придонело да станат уште посилни.