Далас немаше одговор за Виктор Вембањама, но ниту блескавата партија не го остави Французинот целосно задоволен. Со 52 поени, 24 скока и осум блокади, тој беше главната сила на Сан Антонио во тесната победа од 112-111.
За Спарс ова е петти последователен триумф, со кој продолжува победничката серија по двете загубени средби на стартот од сезоната. Вембањама до својот поентерски рекорд во кариерата стигна и покрај тоа што се бореше со вирус, а во последната четвртина почувствува и болка во скочниот зглоб.
Историскиот дел од неговиот настап беше најавен уште до паузата. Веќе имаше 29 поени, 15 скока и пет блокади — нешто што никој претходно не го постигнал во рамките на границата од најмалку 25 поени, 10 скока и пет блокади во едно полувреме, откако во 1996 година почна деталното бележење на акциите.
Сепак, по натпреварот тој повеќе размислуваше за непрецизните обиди отколку за импресивните бројки.
„Можам уште повеќе. Вечерва шутевите не ми влегуваа, па морав да играм на начин што многу исцрпува. Покажав дека можам така, но би било многу подобро кога би погодувал. Знам дека е само прашање на време“, изјави Вембањама.
Французинот погоди 16 од 28 обиди од поле и 19 од 23 слободни фрлања. Тројката не го служеше — реализираше само една од осум обиди — па решението го најде поблиску до кошот, со 14 погодоци од 18 обиди во рекетот.
Фото: Frenchieinportland / Wikimedia Commons, CC BY 4.0
Учество во игри на среќа е дозволено за лица со 18+ години. Играј одговорно!