Скандалозен потег на судија во Италија, поради кој го очекува суспензија

Реакцијата на судијата ја запрепасти јавноста, тој не сакаше да се поздрави со колешката, а сега случајот стигна и до Федерацијата.

На натпреварот помеѓу Сасуоло и Лече, кој заврши без победник (1:1), во центарот на вниманието беше фудбалскиот судија Хуан Лука Саки поради неговото скандалозно однесување кон неговата помошничка Франческа ди Монте.

Целата ситуација се случи пред почетокот на натпреварот, кога екипите стоеја во тунелот, асистентот веќе се ракуваше со играчите, потоа главниот судија сакаше да го стори истото.

Саки дојде да се поздрави со тимовите пред да излезе на теренот, што е нормален протокол пред натпреварот помеѓу судиите и фудбалерите.

Судијата Франческа тоа го направи неколку моменти претходно со играчите на двата тима. Саки најпрво се поздрави од капитенот на Сасуоло, а потоа му подаде рака на помошникот, која нагло ја повлече и со тоа избегна да ја поздрави Франческа. Збунетата девојка не знаеше за што се работи, а Саки потоа му подаде рака на капитенот на Лече.

Видеото брзо стана вирално на социјалните мрежи, што предизвика реакција во федерацијата која размислува да го казни судијата со суспензија од еден натпревар. Хуан Лука Саки ја прокоментира оваа ситуација и рече дека сакал да се поздрави со капитените на двата тима, а се насмеа на ситуацијата со Франческа по натпреварот. Тој наведува и дека нема простор за обвинувања за наводен сексизам или некој голем скандал.

🚨 Juan Luca Sacchi va a ser sancionado con un partido tras "negarse a dar la mano a su asistente Francesca Di Monte" antes del Lecce – Sassuolo del viernes.

['ANSA'] pic.twitter.com/kIiUJJXNlW

— Fútbol Italiano 🇮🇹 (@FT_Italiano) October 8, 2023