Селекторот на Естонија: Македонија не прима многу голови, претходниот меч беше изненадување

Македонија денес во Скопје од 15:00 часот ќе игра натпревар против Естонија.

Првиот натпревар против Естонците заврши со по три гола на двете страни.

„Секој натпревар е различен, Македонија не прима многу голови затоа што имаат цврста одбрана. Резултатот 3:3 беше изненадување и сега не очекувам толку голови“, изјави селекторот на Естонија, Карел Фолаид.

Сепак, оди на победа.

„Ние секогаш одиме на победа. Треба да го извлечеме максимумот. До сега немаме победа во групата и сакаме да дојдеме до неа“,порача Фолаид.