Дани Ингс призна дека се кладеле со Мохамед Салах пред почетокот на оваа сезона.
Ингс и Салах беа соиграчи во Ливерпул, но овој не се изнаигра, покрај Египќанецот, Мане и Фирмино, но добро се снајде во Саутемптон.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Постигна еден погодок на три премиерлигашки натпревари и верува дека ова може да биде негова сезона, а мотивот го гледа во кладбата со Салах. Имено, тие се кладеле кој повеќе голови ќе постигне во претстојната сезона.
Секако дека поголема шанса има Салах, кој беше брилијантен претходната сезона, а во оваа постигна два во првите четири натпревари.
„Луѓето би помислиле дека сум луд што се кладам на такво нешто, но не играме на пари. Не сум толку глуп да ставам пари на таква кладба. Немам никаква посебна цел, само сакам да играм што подобро и да победуваме.“ – изјави Ингс.
„Ако победам, Салах не мора да ми купи автомобил или нешто слично, но ако сака може.“ – порача поранешниот играч на Црвените.
Учество во игри на среќа е дозволено за лица со 18+ години. Играј одговорно!