Реал Мадрид нема да игра на Бернабеу кога ќе продолжи сезоната

Клубовите во Шпанија оваа недела ќе започнат со тренинзи, а продолжение на Ла Лига се очекува на почетокот од јуни.

Јасно е дека натпреварите ќе бидат играни пред празни трибини и дека на стадионот ќе има многу малку луѓе кои ќе бидат присутни по строг протокол.

Кралскиот клуб планира натпреварите до крајот на сезоната да ги игра во својот тренинг центар, односно на стадионот Алфредо ди Стефано.

Инаку, на овој терен игра Реал Мадрид Кастиља, додека првиот тим најчесто тука само тренира.