Реал Мадрид нема да ги намали платите на играчите и вработените во клубот

Мадридски Реал нема да ги намали платите на играчите и вработените во клубот.

Поради пандемијата со коронавирусот многу клубови одлучија да ги намалат платите на своите играчи дури и по 70 проценти, но играчите на Кралевите своите примања ќе ги добиваат во целост.

Причината е едноставна. Клубот е во стабилна финансиска ситуација и спремен е да се соочи со кризата без никакви промени во исплатите на вработените.

Така, клубот од Мадрид ќе биде еден од ретките европски клубови кои ќе ја поминат кризата без премногу проблеми.

Покрај Реал Мадрид, голем дел германски клубови исто така се во добра финансиска ситуација и нема да имаат премногу проблеми, но некои од нив сепак се одлучија да се откажат од платата за да помогнат на оние кои им е потребно.