Рангник откри кои шест фудбалери ги педложил, Јунајтед одбил да ги купи

Во последното интервју за германски „Билд“, Ралф Рангник открива кои 6 играчи ги побарал да му бидат донесени во Манчестер Јунајтед.

Рангник беше назначен како привремен менаџер, а по завршувањето на сезоната требаше да преземе советничка улога на „Олд Трафорд“.

Германецот го советувал раководството на „црвените ѓаволи“ да доведат шест фудбалери, а сега ги откри и имињата.

„Повеќе од јасно им беше на сите дека се потребни засилувања на повеќе позиции, токму затоа разговаравме за играчи како Јошко Гвардиол, Кристофен Нкунку, зборувавме и за Алваро Мората, Луис Диаз, Душан Влаховиќ, но и за Халанд, кога тој беше уште актуелен на пазарот“, открива Рангник.

Јунајтед не донесе ниту еден од овие фудбалери, кои играат одлично во своите клубови и нивната цена се зголеми повеќекратно.