ПСЖ работи на трансферот на Канте

Фудбалерот на Челзи, Нголо Канте одбил да го продолжи договорот со лондонскиот клуб, пренесува „Атлетик“.

Канте влезе во последната година од договорот, а раководството на лондонскиот клуб му понуди на францускиот репрезентативец нов договор до јуни 2025 година со можност за продолжување на соработката за уште една сезона.

Британските медиуми тврдат дека Канте им рекол на челниците на тимот од „Стемфорд Бриџ“ дека не е заинтересиран за понудата.

Француските медиуми пак тврдат дека ПСЖ силно го посакува Канте и дека „светците“ веќе стапиле во контакт со неговиот агент.

ПСЖ работи на трансферот и сака да го донесе во Париз следното лето како слободен агент, а му нуди и повисока плата од таа која ја има во Челзи.