Почина една од најголемите легенди на Реал Мадрид и човек со најмногу европски титули

На 88 години почина една од најголемите легенди на Реал Мадрид, Франсиско Пако Генто.

Генто е човекот кој се уште го држи рекордот по бројот на освоените титули во Купот на шампионите (Лигата на шампионте). Тој освои шест и сите со Реал Мадрид.

За Реал настапуваше во една од најсилните генерации во педесетите и шеесетите години на минатиот век. Нападот составен од Ди Стефано, Пушкаш, Диди, Копа и Генто сигурно е еден од најдобрите на сите времиња.

Во Шпанија освои 12 титули. За Реал Мадрид одигра 606 првенствени натпревари и постигна 178 голови.