Потер веднаш го враќа Лукаку во Челзи

Ромелу Лукаку ова лето го напушти Челзи после само една година помината на „Стенфорд Бриџ“ и се врати во Интер на позајмица.

Лукаку беше купен 115 милиони евра, но не се снајде во формацијата на Тухел, јавно го критикуваше, а потоа влезе и во конфликт со германскиот тренер.

Сега на тренерското столче во Челзи пристигна Грем Потер, а тоа ја отвора вратата на Лукаку за враќање на „Стенфорд Бриџ“.

Англиските медиуми пренесуваат дека Потер е голем симпатизер на играта на Лукаку и на лето сигурно ќе го врати Белгиециот во тимот.

Челзи воопшто нема да преговара со Интер за откуп на напаѓачот и по завршување на сезоната Лукаку сигурно се враќа во Лондон.