Познат фаворитот за потписот на Несторовски

Aко му веруваме на италијанскиот новинар, Џанлука Ди Марцио, Венеција ќе биде новиот клуб на Илија Несторовски.

Во последниот период се појави информација за можно враќање на Несторовски во Палермо каде што ги помина најдобрите денови од кариерата, сепак, Палермо ја губи трката со Венеција.

Ди Марцио утрово објави дека Венеција е со најголеми шанси да го доведе Нестор. Во изминатата сезона овој клуб беше поразен во плеј-офот за Серија А и наредната сезона ќе имаат амбиции да се вратат во најсилната конкуренција.

Венеција верува дека искуството кое дефинитивно го има Несторовски може да биде пресудно во нивната цел за враќање во елитата.