Паднал договор: Рашфорд станува најплатениот играч на Јунајтед!

Како што стојат работите, Маркус Рашфорд и Манчестер Јунајтед ќе потпишат нова соработка.

Последните најави од Островот се дека напаѓачот ќе стави потпис на договор според кој ќе заработува 375.000 фунти неделно и ќе стане најплатениот фудбалер на „црвените ѓаволи“.

Според повеќе извори договорот помеѓу Јунајтед и Рашфорд е во финална фаза и преостануваат само детали. Ако се остварат најавите, значи дека платата на Рашфорд ќе биде скоро двојно зголемена, од досегашните 200.000 на 375.000.

Најплатен во овој момент е Давид Де Геа со плата од истите 375.000 фунти, меѓутоа Манчестер Јунајтед соопшти дека засега нема договор за продолжување на соработката со Шпанецот, договорот на голманот истекува на 30-ти јуни.

Дури и да се случи да остане Де Геа тоа ќе биде со намалена плата, па така е јасно дека Рашфорд ќе биде најплатениот во новата сезона на „Олд Трафорд“.