Осамна транспарент пред стадионот на Барселона: Навивачите го кажаа своето

Барселона синоќа доживеа дебакл во Лисабон бидејќи во четвртфиналето беа поразени од Баерн со 8:2.

Ваков пораз Барселона никогаж не доживеала, а тој најдобро ја отсликува моменталната ситуација во каталонскиот клуб. Јасно е дека претседателот Бартомеу го изгубил компасот и навивачите веќе некое време бараат негово заминување.

Група навивачи на каталонскиот клуб се собрале синоќа пред стадионот каде ги исфиркале играчите и тренерот за срамниот пораз, а аплаузи добиле само младите Ансу Фати и Рики Пуиг.

Дека ова е капката која ја прели чашата најдобро покажува и транспарентот на навивачите кој осамна утрово пред стадионот.

„Управа и играчи, срамота во 121 години историја на овој клуб“ – пишува на транспарентот кој се најде пред стадионот.