Ништо од Интер, Коларов сега е пред потис со нов клуб!?

Се шпекулираше дека една од желбите на Антонио Конте во Интер е искусниот лев бек на Рома, Александар Коларов.

Конте инсистираше, но управата на Интер не сакаше да ја исплати цената која беше барана за искусниот репрезентативец на Србија. Интер се обиде и со „трансфер пакет“, но и тоа не успеа. Меѓутоа, Интер не е единствениот клуб кој е заинтересиран за споменатиот играч.

Имено, Александар Коларов е голема желба и на тренерот на Фенербахче, Ерсун Јанал. Фенер ова лето сака да ја засили екипата за да не ја повтори лошатата сезона како минатата, а жолто-сините во Коларов гледаат одлично засилување на левата страна. Турскиот „sabah.com“ тврди дека Фенербахче постигнал договор со искусниот бек и дека Коларов се согласил на двегодишен договор со истанбулскиот гигант според кој по сезона ќе заработува по 2,8 милиони евра.

Наводно постои и голема доза на оптимизам дека двата клуба наскоро ќе постигнат договор. Меѓутоа, се уште не е познато колку Фенербахче ќе треба да плати за услугите на Коларов.