„Некој на 40 години не може да биде на ниво со некој на 20 или 30 години, освен ако не сте Ибра“

Жозе Мурињо е еден од најголемите тренери кои се појавиле во фудбалот, а во кариерата работеше со огромен број фудбалски ѕвезди.

Еден од омилените фудбалери на Мурињо е Златан Ибрахимовиќ, двајцата соработуваа во Интер и Манчестер Јунајтед. Ибрахимовиќ иако има 39 години игра на фантастично ниво, лидер е на Милан и водечки стрелец во калчото.

Сега Жозе со една изјава испрати големи пофалби до Швеѓанецот.

„Во некои професии ви е потребна посебна физичка спремност. Пример, 40 годишен фудбалер не може да има исти перформанси како некој на 20 или 30 години, освен ако тој 40 годишник не е Златан Ибрахимовиќ“, порача португалскиот менаџер.