„Не сме спремни за доаѓањето на Меси, стадионот нема ограда, доаѓаме без обезбедување…“

Лионел Меси вчера и официјално потврди дека кариерата ќе ја продолжи во Интер Мајами од МЛС лигата.

Славниот Аргентинец по прекинот на соработката со ПСЖ одлучи да се пресели во САД. Меси го избра Интер Мајами покрај понудите за враќање во Барселона и супер богатата од Саудиска Арабија.

Интер Мајами е еден од послабите тимови во лигата со оглед на учинокот оваа сезона, а голманот Ник Марсман смета дека тимот не е спремен за да има играч како Меси во своите редови.

„Мислам дека овој клуб не е спремен за доаѓање на Меси. Имаме привремен стадион, луѓето лесно можат да влезат на терен и нема ограда. На стадионот доаѓаме без обезбедување. Навистина сметам дека не сме спремни, но се надевам дека се ќе се заврши на најдобар начин за клубот“, изјави Марсман.