Мурињо: Мојот Тотенхем може да биде шампион во повеќе првенства во Европа

Менаџерот на Тотенхем, Жозе Мурињо, смета дека најтешко е да се освои титулата во Премиер лигата и дека неговиот тим би имал многу повеќе шанси во некое друго национално првенство.

Тотенхем, по осум одиграни натпревари е на второто место со 17 бода, а лидерот Лестер е со еден бод повеќе.

 „Мојот тим би можел да биде шампион во многу европски првенства, но во Англија најтешко се освојува титулата. Можеш да имаш добра сезона, да освоиш многу поени и да не станеш шампион. Погледнете ги само ривалите: Ливерпул, Сити, Јунајтед, Арсенал, Челзи, Лестер“, изјави Мурињо.

Португалецот знае како се освојува титулата бидејќи три пати ја освои Премиер лигата со Челзи, а Тотенхем е негов трет клуб во таа лига.

?"This team could be champions in many European countries, in the Premier League it is the most difficult one to be"

Jose Mourinho's response to if Tottenham could be title challengers this season pic.twitter.com/komYVQztA9

— Football Daily (@footballdaily) November 9, 2020